15 октябрь – Атайҙар көнө! Барлыҡ атайҙарҙы байрамдары менән ҡотлайбыҙ!
Атай… Был һүҙҙә тәрән мәғәнә ята. Ғаилә тотҡаһы, тыуған ерен һаҡлаусы ир-егет. Ниһайәт – ил ағаһы.
Беҙҙең башҡорт халҡы элек-электән илдең терәге – ир-егет, ғаилә терәге – атай кеше тип һанаған һәм уларға оло ихтирам, хөрмәт менән ҡараған. Шуға күрә лә ир-егеткә – ил терәге, ғаилә таянысы булыу кеүек оло, яуаплы бурыс бирелгән. Ошо бурысты лайыҡлы атҡарыусы атайҙарыбыҙға бәхетле бала сағыбыҙ, яҡты киләсәгебеҙ өсөн мең рәхмәтлебеҙ! Һеҙ беҙгә кәрәк тә, терәк тә, өлгө лә! Яҡындарығыҙҙың, туғандарығыҙҙың, дуҫтарығыҙҙың ихтирам-иғтибарын тойоп, ҡәҙер-хөрмәттә йәшәгеҙ. Барлыҡ эшләгән яҡшылыҡ һәм изгелектәрегеҙ сауап булып ҡайтһын.Һеҙгә ныҡлы сәләмәтлек, эштәрегеҙҙә уңыштар, ғаилә бәхете, балаларығыҙҙың изгелектәрен күреп, шатлыҡ ҡыуаныстарға тулы булған тормош менән йәшәүегеҙҙе теләйбеҙ.
#деньотцарб2023#семейныйбашкортостан
