“Йәйге шайморатов уйындары”
30 октябрь республиканың төрлө тарафтарынан “Йәйге шайморатов уйындары”ның төбәк этабында еңеүсе командалар гимназияға ярыштың финалына йыйылды.
Финал уйындарын асыу тантанаһында Башҡортостан Республикаһы мәғариф һәм фән министры урынбаҫары Әлфиә Зәкир ҡыҙы Ғәлиева ҡатнашты, “Йәйге шайморатов уйындары”ның финалына сығыусыларға тик еңеүҙәр теләне.
Рәми Ғарипов исемендәге 1-се Башҡорт республика гимназия-интернаты директоры Илнур Рифат улы Сәлихов йәш шайморатовсыларҙы сәләмләп, уларҙы юғары һөҙөмтәләргә өлгәшергә саҡырҙы.
Ярыштарға сәм һәм дәрт өҫтәп, гимназиябыҙҙың өлгөлө “Аҡйондоҙ” халыҡ бейеүҙәре ансамбле егеттәре “Еҙ үксә” бейеүен башҡарҙы.
“Йәйге шайморатов уйындары” ярышында еңеүсе командалар Маҡтау ҡағыҙҙары һәм күсмә Кубок менән бүләкләнде.