20 май гимназиябыҙҙа, хәҙер инде традицияға әйләнгән ” Йондоҙҙар парады ” үтте. Был сарала Халыҡ -ара, Бөтә Рәсәй, республика масштабында төрлө олимпиада, фәнни – ғәмәли конференция һәм ярыштарҙа еңеү яулаған гимназиябыҙҙың иң тырыш, иң уңған, иң аҡыллы, иң етеҙ уҡыусылары тәбрикләнде. Уҡыусыларға Почёт грамоталары менән иҫтәлекле бүләктәр тапшырылды, ә уларҙы цондоҙ итеп балҡытҡан, күккә күтәргән уҡытыусы – тәрбиәселәр, түңәрәк етәкселәрен Рәхмәт хаттары менән ҡотланылар.
Сара бик йәнле, Аҡйондоҙ бейеү, Аманат этно -фольклор, ҡурайсылар ансамблдәре, гимназиябыҙҙа көтөп алынған, саҡырылған ҡунаҡ йырсы Юнир Һағынбаевтың сығыштары байрам кәйефе өҫтәп, күңелдәрҙе күтәреп ебәрҙе. Иң аҙаҡтан гимназияның гимны булған ” Интернатым – пар ҡанатым ” йыры менән сара тамамланды.
