29 ноябрь гимназияның тамаша залында Башҡортостандың халыҡ шағиры, Салауат Юлаев премияһы лауреаты Рәми Ғариповҡа бағышланған сара үтте. Сараны 8А класы тәрбиәсеһе Бәхтигәрәева Фәннүрә Әбделғәзи ҡыҙы ойошторҙо. Бөйөк шәхестең шиғырҙарын 8А синыфы уҡыусылары оҫта башҡарҙы. Гимназияның китапханасыһы Фәхрисламова Гөлфиә Мофазал ҡыҙы Рәми Ғариповтың китаптарын күрһәтеп, уның ижадын өйрәнергә, шиғырҙарын уҡырға тәҡдим итте. Ә Мәжит Ғафури исемендәге Башҡорт дәүләт академия драма театры артисы, гимназияның сығарлыш уҡыусыһы, «Февраль. Буран» спектаклендә төп роль- Рәми Ғарипов ролен башҡарыусы Артур Кәбировтың килеүе сараға йәм өҫтәне. Уның башҡарыуында “Минең йондоҙом” йыры бөтәһенә лә бик оҡшаны.
Дөйөм алғанда, уҡыусыларға һәм тәрбиәселәргә осрашыу бик оҡшаны.
Рәми Ғариповҡа бағышланған сара
0